| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
06-02-2009, 09:38 PM
| رقم المشاركة : [ 1 ] | ||
|
خاص
| ديوآآن صآآنع الشعر .. الشـآعر( أحمد الصـــآآنع ) .. احمد الصـــــانـــع  شاعر كويتي احد ابرز الشعراء الشباب اعاد نحت ملامح الجمال في قصائد الساحة الشعبية كتب العديد من النصوص الشعرية المزخرفة وترك لها السيطرة في احتلال عقول متابعي الشعر , فلا تكاد تخلو ذاكرة شعرية حفظها لبيت من ابيات شعره , فاحساسه الصادق , وشتاته المنثور على الورق لم يكتب لهما الا ان يتعديا افاق الروعة , ليحصديا لصاحبها لقب " صانع الشعر" | ||
| |||
|  |
|
06-02-2009, 09:39 PM
| رقم المشاركة : [ 2 ] | ||
|
خاص
|  قنبلة إحساس ..!  : قول عادي .. بالي الليله طويل .. شُوف لِك عذرٍ قديمٍ / وأقبِلَهـ !! لا تحاتي ... قلبي مِتعَوِّد يشيل : ( الجُروح ) اللي تجي له مُقبِلَهـ " طيبتي " صارت مثل ( كف البخيل ) أيِّ شَي طايح .. تِشُوفـه ؟ تحمِلَهـ و " عزِّتي " تقدر تِسَمِّيها : النخيل لأني شامِخ .. والعواصف قاتِلَهـ وعادي جداً .. إنِّي الليله ( عليل ) .. الحزن : يحْسِبني واحد مِنْ هَلَهـ !! ومو غريبه .. لو تِمَنِّيت الرحيل البقاء أحيان , يعني .. البهذلَهـ !! في غيابك .. ما لَهَا الضيقه مثيل ..! وربِّي اللِّي .. ما يشاءه , يفعلَهـ مِنْ يلاقي لـ دنيتي هذي بديل ..؟ خل يجيني أي شخص .. أبَدِّلَهــ وعيب راسي لا بغى شي " مستحيل " يوصله مو طيب .. غصبٍ يوصلَهـ ليه راجع ؟! ليه ذاكر ..؟ يـ الأصيل ..؟؟ إنت ضايق .. ؟! في خطأ بالمسألَهـ !! وليه تبكي مِنْ كلامي يـ الدخيل ..؟ المشاعر .. ما لَهَا بقلبك صِلَهـ ؟! و( البلا ) .. إن حَبْ رجالٍ " ثقيل " ينسى مِن حُوله ويسْمَع ( مُذهلَه ) !! مِن عرفتك .. ما بقى بـ اليَد .. حيل ولو بكيفي ..؟ [ قلبي ] محدٍ يدخلَهـ ومِن عرفتِك .. حظِّي العاثر يميل .. أعترف لِكْ إنِّي ( عاجز ) أعدِلَهـ !! فاقد الإحساس / ما يعطي القليل وإن عطيته إحساس قلبك ؟ يقتِلَهــ !! إيه بـ أرحل والطريق أدري .. طويل .. مشكلهـ " قربك " .. وبُعدِك مشكلَهـ .. وإن خذاني المُوت إترك قال وقيل .. قول هـ الجُمله .. وخطاك محلِّلَه : [ ربِّي إلهَم أهلهـ الصَبر الجَميل وإرحمـه يا رب وإحسِن مدخلَه ] : | ||
| |||
|
| |
|
06-02-2009, 09:40 PM
| رقم المشاركة : [ 3 ] | ||
|
خاص
| +.. بالسلامـهــ ..+  : : لا تِطالع سَاعِتِكْ هالوقت " طامه " مِنْ أشوفك مَرْ في سرعه وبروق جيت عِندكْ شايلْ عتاب وملامه وقلب مُغرم فِيكْ عالشُوفه شفوق كان غيري حقَّقْ بوصلِكْ مرامه هَمْ أنا , في شوفتِكْ عندي حقوق الفُضَا قلبي .. وشُوقِي لِكْ ( حمامه ) ما تطُبْ الأرض . . دُومْ إطِّير فوق في غيابي أوَّل .. تقوم القيامه تقلب الدنيا .. تِدوِّرني / بشوق تسْرقْ إحْسَاسِي وحُبي بإبتسامه وإن زعَلْ قلبي رضَاه تبُوقه بوق نايمْ بليلِكْ .. وليلي مــا أنامه أنتظر شمس اللِّقى تبدي الشروق مِن غيابكْ جسْمي ما تِشيله عضامه ياللِّي تِشْرَبْ راحِتِي .. خَلْنِي أذوق وش تغيَّر؟ قلبي يسأل في ندامهـ ! ليه " قلبك " صار عالفرقا يسوق ؟ ليه غايب ؟ ليه ناسي ؟ وش علامه !! قلبك اللِّي إشتاقْ لِي وشوقي يفُوق!! : : رحتْ عَنِّــي وقلبي ما كَمَّلْ كلامه سَاعتِكْ .. . ما عِندهَا تقدير وذوق بالسلامهـ .. وأدري ما فِيها سلامه مِنْ يفارقْ عينكْ (الحِلوَه) ويروق !! : : | ||
| |||
|
| |
|
06-05-2009, 01:12 AM
| رقم المشاركة : [ 4 ] | ||
|
خاص
| و قلبي [ حاتــم الطـَّائي ] ..!! ما مِـنْ جديـد .. بغيبتِكْ كِلْ شَيْ , على ما هُو عليه  : : أجي مِسْرع إلى ذاك المطار , ويرتبك نصفي .. ونصفي الثاني يتسائل عَن اللِّي صار و.. أخطائي تروح شلون عَنْ عيني .. وتبدِّل قوِّتي بـ ضعفي !! ولا بـه شـي يستاهل عشانـه .. تبدي إيذائي .. ( مسافر ) دُونْ ما أدري وحِزني داخِلي مخفي أبيـك الحيـن مـو باكـر تِحلِّقْ فوق أجوائي مطار القلب يتحرى رجوعِـك , غيبتِـك تكفي أبكتب لِكْ ولا أقــدر على .. التعبير وإملائي غيابك مـا رحَم حالـي وحرفي آآآه يا حرفي تلعثمت , وعجزت آخذ في وقت البُعد إجرائي أنا كلِّـي عَطَشْ ضامـي أعيش بغيبتِـك حتفي لأنك ساعـة الضيقـه هواي , وبالعَطَش مائي أحبك يا [ وَطَنْ ] غالـي عَليْ وحَضْرتِي " منفي " ..! كفايـه لا تِشتِّتْنِي تعـال .. وجَمِّـعْ أشيائي !! وَطَنْ شنهو وَِطَنْ .. إلاَّ عُيونِكْ في لُغة وصفي ..؟ غريبه شلونْ تتركْني .. وإنت بداخلْ ( أحشائي ) ! ( ثلاثْ أيَّــامْ ) تهجرني ولا بيَّنتْ لِكْــ نزفي ودُواي اللِّـي تِكاثرْتَـه عَلـيْ وصِرتْ لِي دائي ( ثلاثْ أيَّــامْ ) ما نامَت عيوني وما قِدَرتْ أغفي !! لي اللـه كِلْ ما حُولي غريبْ وعَالَمِي .. نائي ( ثلاثْ أيَّــامْ )وأنوار المدينه يا الغلا تطفي وتِعِمْ الظَّلمَه فـي قلب الشوارع وأفقِدْ أضوائي تِصَدِّق حتَّـى بسماتـي .. أهَلِّـي فِيها وتِقفِّي ! تعـال ولَمْلِمْ جُروحـي ورَتِّبْ فُوضَة أجزائي يجينـي الجَرَحْ مِنْ إيدكْ .. وأصْفِقْ كَفِّي بكفِّي أعَزْ أحبابي يطعَنِّـي ويداوي الطَّعْنَه أعدائي !! ( ثلاثْ أيَّــامْ ) تِطْعَنِّي وأنا أشِيلِكْ على كتفي .. كأنْهَا طَعنِتِكْ " ضِيفٍ " وقلبـي ..... حَاتِمْ الطائي !! : : إرجع حبيبي لديرتِكْ عمري بدونك ما أبيه | ||
| |||
|
| |
|
06-05-2009, 01:13 AM
| رقم المشاركة : [ 5 ] | ||
|
خاص
| القضيَّهـــ ــ ـ  مغفره وذنوب , والساعه بلا تُوبَـه تدور السنه صَارتْ سَريعه حِيلْ , وأحْسِبْهَا شهر عِذتْ أنا مِنْ شَرْ خَناسٍ يوسْوسْ بالصدور وما بكيت إلا لوجــه اللــه في ليلة قدر تِختصر مَعنى حياتِكْ كيف تبني لِكْ قصور! أحْتِــــرم رايك .. وهذي تُعتبَــر ..... ( وجهَــة نظر ) ! زين طيِّب .. دام تِدري إنَّ لِكْ رَبٌ غفور ليه ما صَلِّيتْ لَجله وما رفعت إيدك شكر!؟ حَدِّث العاقِلْ بمَا يُعقَل ..وفي قلبٍ جَسُور وإنْ خطيت بحق غيرك روح قدِّم له عذر رافِقْ الشخص المِثالي اللَّي لو تخطي / يثور وإن سِمَعت إسْمَعْ مِنْ اللِّي تِلقى في صَمته " دُرر " وقبل تِسأل عَنْ حياتي وكِيف وجهي شَع نور خلْ كلامي لِكْ وصيَّه وخلْ بعد عِندكْ خبر ما نالْ في الدنيا أحَدْ يا سَائلي غير (الصبور) والدليل إنِّـي صِبرتْ .. وكانت أيامــي تمر لا تقول: الحَلْ إنِّكْ تِلقَى لِكْ,عاشِقْ غَيور إنْ حَبِّتِكْ عِينه ترى .. ما حَبِّتِكْ ........ عِين الدهر !! مِثلِكْ أوَّلْ كان حَالي وضِيقتي ونفس الشعور كِنت أقول: شمعنى قلبي في مشاريعَه خسر ما دريت إنَّ الغِيابْ أحيَان أفضَلْ .. مِنْ حضور لِين شِفت " الشمس " تشرق بعد ما يغيب ( القمر ) وما دريت إنَّ التواضُع كنز / ومَكرُوه الغرور لِين شِفت إنَّ الغِنى .. في الآخِرَه مِثل الفقر !! كِنتْ غـافِلْ في حياتي وكِنتْ أجْهَلْهَا الأمور لِينْ ربِّي له هدَاني .. وصِرتْ أدَوِّر لِي أجر لا تقول: أعيش يُومي دامي في عمر الزهور منت ضامِنْ عُمركْ الباقي .. وقَطَّافْ الزهَر قبل لا تبدي الخطِيئه وتبْنِي لِذنوبك جسور خافْ مِنْ ربِّكْ وفكِّـر في وعَد يُوم الحشر مَهْمَا كِنت إنسَان " راقي " وتعشِق أنواع البخور التراب اللَّي يضمك بعد مُوتك ........ والقبر !! ياما قالوا الناس : خايف وقلت : ما فيني قصور بَسْ شِفتْ إنَّ الشَّجَاعَه مَعنى ثاني للخطر إيهـ خافْ وكُونْ سَالِم دام هالدنيا بحور ! والبحر مَهْمَا وفالِكْ طبعَـه ( غدار ) البحر وللشجر إن شفت هامه هذا مِنْ طيب الجذور يعني أعمالك جذورك هذي هـي بالمختصر القضيه: ما هِـي شخصٍ خالِفَـه شِرطي المرور البشر في الدنيا هذي . . . صَار , ياكِلْهَا بشر ! | ||
| |||
|
| |
|
06-05-2009, 01:14 AM
| رقم المشاركة : [ 6 ] | ||
|
خاص
| إنتـــ/مــائي ..!  : إنتمائي للوطن في فكْر أوطاني / ضياع يا تبوس الأرض هذي أو تدوسك ناسَهَا دنيتك هذي , مبادىء تلبس إثياب الخداع وكم شجاعٍ ضلْ عاري والملابسْ داسَهَا يا رئيس إلهامْ فكري لا تخافْ .. منْ الوداع [ شاعرك ] .. يبقى قويٍ والقصيده حاسَهَا إيه أنا عايش وميّتْ . . والحقيقه ما تُشاع ! الحَطَب صار الصراحه والكِذِبْ هو فاسَهَا شوف هذا / إيه هذا , اللي جالسْ بجتماع ما وصل للي عليه إلا .. . " أيادي " باسَهَا طيبتك ما عاد تنفع في زمـنْ , كلّه جياع غابةٍ من دونْ وااالي وما تِدِقْ أجراسَهَا مُتْهم ضدّه النيابه وهمْ بعد ضدّه الدفاع المؤبد لـه براءه ويحمد اللـه جاسَهَا المصيبـه لو تبي تبليكْ تلْبسْ لك قناع تخْتلقْ لك أي جريمه وتحْبسكْ بأنفاسَهَا القهر أقرب قريبٍ لا لوى بيده الذراع ماحَشَم ذيكْ العجوزْ اللي حَلفْ لكْ راسَهَا لا خذاني الموتْ منّك إمسكْ بقوّه الشراع لا تمشيك الريـاح / بكيفها / وإحساسَهَا دنيتك مثل السفينه وقلتْ: هالكلمه مساع لا تمشيك الرياح / ويخدعـك وسواسَهَا يا رفيقي يا مواني رحلتي , جيدْ السماع المسافه لا تقدّرهـا . . ويخون / إقياسَهَا داخلك أدري مشاكل ضايعه بين الصراع بينك وبينك { مآسي } . . يلعنْ الله ساسَهَا لكن إصبر في رزانه ولا يغرّك الإندفاع " الفَرَجْ " بالصبر يأتي / والمدامع واسَهَا دنيتك كاسٍ جرعته سمْ ودّاني الضياع وما أبيك تصير مثلي وتنخدع في كاسَهَا : | ||
| |||
|
| |
|
06-05-2009, 01:15 AM
| رقم المشاركة : [ 7 ] | ||
|
خاص
| ودِّي أموتــ اليوم وأعيش باكر .. ( مرثيَّة شاعر ) ..!  : ودِّي أموت .. اليوم ... وأعيش باكر وأشوف مِنهو .. بعد موتي فقدني ..! ومِنهو حَمَلني لِين .. ذِيك .. " المقابر " وأشكر أنا .. كِل من كَرَمني ودِفنِّي وبَشوف .. يرثيني أنا كَم [ شاعر ] ..؟ ومِنهو تركني .. وما كِتَب شَي عنِّي شِخصٍ تعنَّى لي .. مع إنَّه .. مسافر وشخصٍ قِريبٍ .. وآنا مَيِّت / طعنِّي وشخصٍ يمثِّل دمعِتَه .. ما هو قادر ! وشخصٍ تِطيح دموعه كِل ما ذكرني ومِنهو مِن أهلي فـ العَزا كان حاضر ؟ ومِنهو دعى لي في " صلاته " ورحمني ومِنهو بنى [ بإسمي ] سبيل ومنابر ومِنهو يفز قلبـه .. إلا مِن لمحني ومِنهو عشاني : طول الأيام ساهر ..! ومِنهو ثلاث أيام .. راح وتركني ..؟ ومِنهو يرتِّب .. غرفتي .. / والدفاتر وإن شاف ( صوره ) لي مات وحضنِّي يالله عسى .. ما تغفى كل المشاعر ويالله عسى .. ما ينصِدِم يوم ظنِّي خايف يروح العُمر .. وأكون خاسر وإن طار طيري .. ما يفيد / التمنِّي وخايف يجيني وقت : أكسِر خواطر إن دارت الدنيا .. وزماني كسرني ومدام هذي الدنيا .. صارت مظاهر وكِل مَن على كيفه .. وجَوَّه يغني [ صحيح مُسلم .. لكن : الهَم كافر كل ما بغيت أضحك يهددني حزني ] الضيق وافـي .. والحزن حيل وافر والجرح أكثر شي .. شفتـه يحبني عايش وميِّت بين .. ماضي وحاضر والصبر [ مفتاح الفرج ] ضاع منِّي قل وش تبي وتتركني يا حزني آمر مسكين فرحي / تصدِّق إنَّ وحشني !! ( شاعر ) ولكنِّي .. ماني بـ شاعر ودِّي أموت اليوم .... وأرتاح منِّي !! : | ||
| |||
|
| |
|
07-18-2009, 01:27 AM
| رقم المشاركة : [ 8 ] | ||
|
عضو مميز 
| يعطيك العافية على مجهودك بجد روعة لانحرمت جديدك | ||
|
| |
|
08-11-2009, 04:53 AM
| رقم المشاركة : [ 9 ] | |
|
:+[ عضو مؤسس]+: 
| : شـآعـر أكـثر من رآآئــع بـ الفعـل .. تمـيزتـي وأبـدعتـي فـي طرحـك .. ألـف شكـر لكٍ غ ــآليتـي .. ودي لـ روحـك الـعذبـة .. ** | |
|
| |
|
08-12-2009, 12:28 AM
| رقم المشاركة : [ 10 ] | ||
|
:+[ عضو مؤسس]+:
| قصائد ولا اروع تسلم ايديك | ||
| |||
|
| |
|
| مواقع النشر (المفضلة) |
| الكلمات الدلالية (Tags) |
| محمد, الشعر, الشـآعر, الصـــآآنع, ديوآآن, صآآنع |
| أدوات الموضوع | إبحث في الموضوع |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشعر بوووح ... | صعب المنال | منتدى الشعر والشعرآء - اشعار مكتوبة - قصائد متنوعة [ للمنقول فقط] | 6 | 02-03-2010 06:24 AM |
| أسباب تساقط الشعر ؟ وتركيب الشعر | MARAM | صحة - طب بديل - تغذية - اعشاب - رجيم و رشاقة | 10 | 07-05-2009 09:02 PM |
| قياس نمو الشعر | مونامور | منتدى المجلس العام | 7 | 05-26-2009 02:38 AM |
| هذآ آحلى كلامي .. فهل سآجد آحلى ترحيب .. !! ؟ | بقايا الذكريات | منتدى الترحيب - التهاني | 10 | 02-17-2009 08:08 AM |
| هذآ آحلى كلامي .. فهل سآجد آحلى ترحيب .. !! ؟ | بقايا الذكريات | منتدى الترحيب - التهاني | 14 | 02-13-2009 03:45 PM |
الساعة الآن 02:26 PM
