| |||||||
| منتدى الكمبيوتر والانترنت - برامج - برامج حماية - شرح برامج كمبيوتر [ مستلزمات الحاسب الآلي ، برامج ، شروحات ، برمجة ، صيانة أجهزة ، حماية ، معلومات عامة ] |
 |
| | LinkBack | أدوات الموضوع | إبحث في الموضوع | انواع عرض الموضوع |
04-29-2011, 08:56 PM
| رقم المشاركة : [ 1 ] | ||
| +:[الداعم الفني للموقع]:+ 
|  طريقه التسليك الخارجي للdsl بالتفصيل ( صور - شرح - افضل طريقه ) جديد 2010 السلام عليكم يعطيكم الف عافيه شباب التسليك الخارجي مشكله المشاكل ,, من كان يعرف عندما يبنى هذا البيت  ان اصحابه محتاجين كيبلات عاليه الجودهالوالد يوم درى بالموضوع قال ,, الله اكبر الكيبل اللي خدمنا سنين الحين صار مو حلو  ههههههههه  نعم يا والدي العزيز الكيبل المستخدم داخل البيت قد يكون غير جيد = لا يتحمل السرعه = متقطع ,,, الخ اغلب الشعب السعودي يعانون من هالمشكله هذا ما قاله موظف الاتصالات من فتره لاكن ما اضمن لك انه بعد التسليك راح تنحل المشكله ( ان وجدت ) لاكن انصحك نصيحه طال عمرك اتصل على الاتصالات واذا جاك الفني انشب له وقل سو لي تسليك من البكسيه الين المودم يطلع الكيبل السقيم حقهم الابيض والاسود << وخذه هديه منه لا تنسى < وشف اذا فيه تغير للاحسن على طول سو التسليك انا عندي نظريه خلنا نحل كل شي ما عندنا باحسن الاسلاك واحسن الاجهزه عشان نثبت ان المشكله من عندهم لاكن لو فيه كيلو بايت واحد متعطل من عندي الا اصلحه راح اقسم هالموضوع الى اربع خطوات مهمه ومطلوبه كلها وهي: اولا: تصوير صفحه المودم وبياناته كامله عشان بعدين نشوف وش فرق معك واذا ما تعرف شوف هالموضوع http://www.rxx9.com/vb/showthread.ph...901#post321901 ------------ ثانيا : المستلزمات اللي مطلوب شرائها بعد اتخاذ قرار التسليك سلك دي اس ال + فلتر( سبلتر ) ------------ ثالثا : الشرح الكامل للتركيب ------------ رابعا : مقارنه بيانات المودم مع اول خطوه ---------- بسم الله نبدا ,, اول خطوه نعملها حسب الموضوع الموجود واذا تاكدت بعد الاتصال على الاتصالات وقدوم الفني انك محتاج تسليك خارجي عندها ابدا الخطوه رقم 2 الخطوه الثانيه شراء المعدات اولا السلك : السلك يجب ان يكون عالي الجوده والمستخدم هنا سلك كات 6 لاكن الكات 6 حسب بحثي في اسواق الرياض وكل حراجات الكمبيوتر وساكو و مجداف و مكتبه جرير و العبيكان  يختلف فيه اللي جودته عاليه وجودته رديئه وفيه اللي مقاوم واللي ماهو مقاوم وفيه شركات تختلف ومن دول شتى هذا صيني وهذا استرالي وهذا فلندني وهذا امريكي وهذا وهذا وهذا اسبوعين وانا ادور واخيرا  وجدت سلك ممتاز ويخدم صراحه ولقيت به المواصفات اللي ابيها - مقاوم للعوامل الجويه - سعره رخيص - جودته عاليه وانصحكم به ,, وعطانا صاحب المحل عرض خاص اي عضو في منتدى بوابة الانترنت الرقميه ADSL GATE يحصل على خصم 33% على السلك بعد ما شرحت له الوضع كامل اليوم الصباح عطاني هالعرض السخي صراحه ,, اسم الكيبل : C-LINK << صناعه صيني لاكن من الصناعات الصينيه الجيده السعر : قبل الخصم 3 ريال ,, وبعد الخصم 2 ريال بس ياليت اذا رحت له عرف بنفسك انك من اعضاء المنتدى وباذن الله يتم لك الخصم هذا السلك لا يملكه الا هذا المحل لانه يطلبه طلبيه من الخارج وتلقون هذا السلك عند مؤسسة أنس الزيد التجاريه للشبكات السلكية واللا سلكية تلفون014633139 وبالنسبه للاخوان من خارج الرياض واللي اني مفكر فيكم واعرف السوال اللي يدور في خاطرك على يوجد منه في جده - تبوك - حايل - عرعر - ابها - المدينه - مدن مملكتي الجميله ؟ للاسف مافيه للشركه نفسها في معارض في جده وفي كذا منطقه بالرياض لاكن يقول احنا الوحيدين اللي نجيب هالسلك وصف المحل : في حراج كمبيوتر العليا تمسك طريق العليا وانت متجه جنوب تخلي الفيصليه على يمينك وقدام يجيك الحراج على يمينك انزل واسال عن محل مجداف << محل معروف هناك لما تلقى مجداف اتجه من مجداف شمال وتلقاه على يسارك وانا مصور لكم المحل  This image has been resized. Click this bar to view the full image. The original image is sized 2560x1920 and weights 531KB. وعشان ما تقولون جالس يسوق للمحل انا اشوف ان المحل سعره كويس وكيبلهم كويس لو حابين تعرفون اكثر عن الكيبل شوفو هالرابط انا مسوي بالكيبل موضوع خاص اقوى سلك DSL خارجي موجود بالسعوديه << جديد ولا قد طرح قبل هالمره (( صور + شرح )) لاكن ,, عشان ما تقولون جالس يسوق وعن الاحتكارفيه محل ثاني عندهم كيبل السلك السعودي المسلح يجونك للبيت ويسون لك كل شي وياخذون على المتر 6 ريال لاكن جاني فني وقال لي الكيبل المسلح ماهو زين للدي اس ال عشان ان النحاسه كبيره فيها ويشتت الاتصال << على ذمه الفني وهذي بياناتهم موقعهم << اللي ما اشتغل معاي اذكر هذا المكتوب على المحل واسم المحل شبكة المنازل وموقعه حي السلام << طبعا شرق المسجد انا رحت هناك وشفته وبالعلامه جنبه خباز تميس عليه تميسات يحبها قلبك  اعتقد بالسلك كفينا ووفينا وننتقل للمحور الثانيه الا وهو السبلتر الفلتر كثيره هي طرق التسليك الخارجي لاكن انا افضل هذي لانها بالفعل احسن طريقه السبلتر - الفلتر وهو يفصل البيانات الجايه من الخط ويخلي بيانات الانترنت تروح للمودم و بيانات الهاتف تروح للتلفون الصراحه كثير بالسوق نوعات رديئه جدا وفعلا السوق عندنا في اتجاه الاغراق<مصطلح اقتصادي ابحث عنه منتجات الصينيه وشكل المنتجات السعوديه مالها امل << كلام اقتصادي كبير ههههههه واذا تبي تشتري لازم تشوف النوعيه الثقيله قريت مره موضوع عن كيف تختار سبليتر جيد انك تشوفه هل هو ثقيل ولا لا وانا احب سبليتر سبيد تتشت << خذه من الوكاله افضل شي على طريق خريص بعد بنده وانت متجه شمال تحت كبري الخليج الجماز طبعا انا توني استخدمت نوعيه جديده وهي سبليتر الاتصالات السعوديه  وهالصوره للامانه ( سرقتها من موضوع مدري لمن بس عجبتني ) طيب هذا السبليتر ميزته ان به مسامير اللي تشوفونها على اليسار T و R مكرره ثلاث مرات وانا جربته وعطاني نسبه تشويش جيده وزادها لي << زادها يعني احسن لان هي رقم كل ما زاد يكون افضل والسبليتر هذا تقدر تحصله في نفس المحل اللي حاط رقمه وسعره 45 ريال الزيد قصدي على فكره لا تستغرب اذا شريته ما عليه علامه الاتصالات لاكن المعروف ان اسمه سبليتر الاتصالات طب خلصنا الحين الخطوتين الاولى والثانيه الحين ننتقل للمحور الثالث وهو اسهل واحد يا اخوان انا ماني فني ولا اعرف كيف اشكال البكسيات صراحه لاكن مصور لكم بكسيه بيتنا وبشرح من عندها واذا ما تعرف مثل ما قلت مفروض جايك من الخطوه 1 الفني تعلم منه شلون تشبك من البكسيه << اذا بكسيتكم غير عننا لان شفت في مواضيع بسكيات مدري كيف جايه شكلها غريب بالنسبه لي اما اذا نفس حقتنا اجل شف هالموضوع يمكن يكون كافي اخواني الكرام بعد فتح البكسيه راح تشوفون هالمنظر This image has been resized. Click this bar to view the full image. The original image is sized 2560x1920 and weights 480KB. اخي العزيز لا تقلق اول ما تشوف هالكيبلات المشبوكه والخربطه هههههه اختي العزيزه لا تقلقين اول ما تشوفين كله التراب والوصاخه انا صراحه اول ما شفت البكسيه من داخل انصدمت قلت ايوووا الحين اخربه وابتلش على ما يجيني الفني بكره ويمكن ما يجي بس والله الموضوع سهل جدا جدا جدا ولا يحتاج تعقيد زياده بالمفك ارخ المسمار اللي حاط عليه دائره صفره هذا المسمار ماسك الكيبلين اللي رايحات لداخل البيت نبي نفصلهم طيب اول ما ترخيه طلع الكيبلين برا الابيض والاسود والسلك اللي جبته جديد افتح راسه بسكين ولا اي شي تلقى ثمان اسلك طلع اللي ابيض مع برتغالي << الفنين دايم يقولون طلع ذولا وفيه بعضهم يقولون اي شي المهم طلع ابيض وبرتغالي بس اعزلهم عن الباقين يعني لا تتهور وتقص الكيبل كله بس من الراس شوي وخرهم عن الباقين وافتح البلاستك عنهم يعني خله بس نحاسه انا سويتها بسنوني  ودخل الابيض بدل الابيض والبرتغالي بدل الاسود ارجع قفل عليهم المسمار بقوه واحكام سكر باب البكسيه مبروك انت انجزتها وبكذا انتهينا من جهه الحين نروح ونمد السلك على كيفك واذا تبي تجيب لك كلبسات اللي تمسك السلك على الجدار ابد تفنن على كيفك لاكن حاول تقلل المسافه طيب الحين نمد السلك الين ما يوصل الفلتر داخل المنزل نفتح راسه ونطلع السلكين الابيض والبرتغالي << شبكناهم من جهه والحين نشبكهم من جهه ثانيه طيب احط لكم صوره السبليتر ثاني عشان الشرح افتح شوي من النحاسه بالسلك الابيض و البرتغالي وجيب السبليتر ودخل البرتغالي في حرف ال T و الابيض في حرف R ولقيت هالصوره يمكن توضح لكم بالضبط الفكره الصوره ماهي لي تشوفون اختلاف لون الكيبل لاكن نفس الفكره بس انتهى الحين جب الاسلاك وركبها سلك المودم في MODEM وسلك التلفون في PHONE هذي صوره توضيحيه من مشاركه واحد من الشباب اخذتها مشكورا This image has been resized. Click this bar to view the full image. The original image is sized 882x662 and weights 199KB. شغل المودم وانتظر شوي تجيك لمبه ال دي اس ال يعني شابك واذا تبي اسرع انقز شف التلفون اذا فيه حراره يعني شغلك تمام مافيه حراره يعني في خطا ملاحظة : الفلتر اذا تبي تطلع السلك منه اضغط على المربعه الصغيره اللي جنب السلك بقوه طلعه يطلع اذا سحبته واي سوال ابد اسال وانا حاضر ولا تحسب اني خبير ترى والله من شهر ماعرف هالشغلات لاكن غثوني هههههههه الخطوه الرابعه بعد ما طلعت لك لمبه الدي اس ال اشبك الانترنت وشوف بيانات المودم وعطنا هنا قبل وبعد خلنا نشوف اتمنى اني وفقت في طرح الموضوع وحل المشكله العامه ولا تنسونا من دعواتكم يا جماعه في اي لحظه حسيت انك مخطي ولا ترددت عادي جدا كل اللي بتسويه رجع الكيبل الابيض والاسود مكانهم وشد عليهم المسمار وقفل البكسيه وكلم على فني الاتصالات يجيك يساعدك ملاحظة : استفدت من الاخ ابو شوجي بعض التعليمات اللي قد تكون مهمه وقد تأثر على شغلنا كله ابو شوجي قال : شرح وافي لكن فاتك 4 نقاط 1- من الضروري تنظيف الدي بي قبل توصيل السلك 2- عند جرح السلك لشبكه يجب أن يكون النحاس المكشوف قصيرا بحيث لا يكون بارزا بعد شد المسمار لمنع التشويش 3- أثناء مد السلك يجب ابعاده عن أي مصدر كهربائي , لا أسلاك ولا لمبات ولا يمر من فتحة مكيف 4- توصيل سلك التلفون بالفيش حق التلفون الموجود في الجدار ليتم توزيع الحرارة في باقي المنزل اخواني الكرام هدفي من هذا الموضوع هو خدمه البشر اللي تعاني من هالمشكله ولا اطمح لاي شي لان لو تتصورون كم من الكيلوات اللي جالس ندفع لها ولا نحصل عليه من الاتصالات بالهبل خلنا نقلل شوي منها ونستفيد ياخي ان كان اي شي ماعجبك في موضوعي او غلطت بشي انا بشر واغلط كلمة شكر تكفيني | ||
|  |
|
04-30-2011, 12:18 AM
| رقم المشاركة : [ 2 ] | ||
|
:+[ عضو مرشح]+: 
| مخاوي زماني .. الله عليك وعلى مخك العبقري.. بجد انت عبقري زمانك.. تسلم يدك على هيك مجهود وطرح يفوق الوصف. بنتظار جديدك من افكار مذهله.. دمت مبدعاً دوماً.. | ||
|
| |
|
04-30-2011, 07:44 AM
| رقم المشاركة : [ 3 ] | ||
|
:+[ عضو مؤسس]+:
| مشكوووووور والله يعطيك الف عافيه | ||
|
| |
|
04-30-2011, 03:38 PM
| رقم المشاركة : [ 4 ] | ||
|
عضو جديد 
| ماشاء الله عليك | ||
|
| |
|
06-17-2011, 11:07 AM
| رقم المشاركة : [ 5 ] | ||
|
:+[ VIp ]+: 
| يعطيك ربي الف عافيه ع الطرح الاكثر من رائع | ||
|
| |
|
| مواقع النشر (المفضلة) |
| الكلمات الدلالية (Tags) |
| 2010, للdsl, التسليك, الخارجي, افضل, بالتفصيل, جديد, شرح, صور, طريقه |
| أدوات الموضوع | إبحث في الموضوع |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| طريقه لـ حفظ إيميلك من السرقه | فارسة القلم | منتدى الماسنجر | 5 | 05-25-2011 04:44 AM |
| طريقه الحلى الاصفر | أدآوي جروحي بروحي | منتدى أطباق حـوآء | 3 | 06-27-2010 01:24 PM |
| طريقه عمل موضوع للسبيس | مخاوي زماني | منتدى الماسنجر | 6 | 11-07-2009 05:08 AM |
| طريقه التعامل مع mms واختيارها | مخاوي زماني | شرح خصائص المنتدى | 13 | 10-26-2009 01:25 PM |
| افضل طريقه لخفض حرارة الجسم... | خــرمـــس | صحة - طب بديل - تغذية - اعشاب - رجيم و رشاقة | 7 | 12-25-2008 09:19 PM |
الساعة الآن 03:33 PM
